Plantun de Prouvènço

Pèr coumpara dos planto d'encò nostre

Schoenoplectus tabernaemontani & Crepis pyrenaica

fotò
fotò
Serreto

Schoenoplectus tabernaemontani

Cyperaceae

Àutri noum : Jounc-de-la-palun, Sarreto.

Noms en français : Jonc-des-chaisiers, Jonc-des-tonneliers.

Descripcioun :
La serreto, o jounc-de-la-palun, fai de lòngui cambo souvènti-fes verdalo (subsp.glaucus-fotò-) bèn couneigudo pèr li sagnaire. La bratèio despasso raramen l'inflourejado facho de noumbróusis espigueto (3 à 11 mm). Lis escaumo soun bruno, retaiado e cihado. I'a, en generau, dous estigmate.

Usanço :
Li cambo de serreto soun plegadisso emai proun resistènto. Un cop secado servien pèr sagna li cadiero emai pèr la banastarié e la capelarié. Lis indian d'Americo n'en fasien meme de batèu.

Port : Grando erbo
Taio : 0,5 à 3 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Schoenoplectus
Famiho : Cyperaceae



Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Mueio
Estànci : Termoumediterran à Mesoumediterran
Couroulougi : Pancaro entresigna
Ref. sc. : Schoenoplectus tabernaemontani (C.C.Gmel.) Palla, 1888 (= Schoenoplectus lacustris subsp. glaucus Bech = Scirpus lacustris L., 1753 )

fotò
fotò
Lachassoun(-di-pirenèu)

Crepis pyrenaica

Asteraceae Compositae

Noms en français : Crépide des Pyrénées, Crépide fausse blattaire.

Descripcioun :
Aquéu lachassoun s'atrovo pas soulamen dins li Pirenèu, mai peréu au nostre, dins lis Aup. Trachis dins li prado umido ounte fai de coulounìo bonodi soun rizoume. Li fueio de la cambo soun en lanço emé de bèllis auriheto, e li de la rouseto an generalamen despareigu à la flourido. Apoundèn que la flour coumpausado èi pulèu grosso emé de bratèio que s'escarton proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 2 à 2,5 cm
Flourido : Printèms - Estiéu

Sòu : Ca
Autour basso e auto : 800 à 2400 m
Aparado : Noun
Jun à avoust

Liò : Prado à rousèu - Prado umido - Melounié
Estànci : Mountagnard à Subaupen
Couroulougi : Ouroufito-Sud-Ouèst-Éuroupenco
Ref. sc. : Crepis pyrenaica (L.) Greuter, 1970

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
ges
RR
R

Schoenoplectus tabernaemontani & Crepis pyrenaica

R
C
C
C
RR
ges
ges
ges

Coumpara Serreto emé uno autro planto

fotò

Coumpara Lachassoun(-di-pirenèu) emé uno autro planto

fotò